"Vergilər uşaqların gözü ilə" inşa, rəsm müsabiqəsi
Azərbaycan Respublikası Vergilər Nazirliyinin hər il keçirilən "Vergilər uşaqların gözü ilə" həm inşa, həm də rəsm müsabiqəsi bu il may ayında start götürdü. Ağabəy Novruzbəyli adına 46 nömrəli məktəb də bu müsabiqəyə qoşularaq məktəb turunda qalib olan bir inşa və bir neçə rəsm işini Vergilər Departamentinə təqdim etmişdi. Həmin işlər arasından 3 “C” sinif şagirdi Rüqayyə Abdullayevaya məxsus rəsm 1-ci yerə layiq görüldü. Rüqayyə Vergilər Departamentində keçirilən təqdimat mərasimində diplom və hədiyyəylə mukafatlandırıldı. Təqdimatda məktəbimizin Vergi-tədris metodiki kabinetinin müdiri Fatimat Əliyeva və Rüqayyənin valideynləri iştirak etdilər. Qalibimiz 1 iyun Beynəlxalq Uşaqları Müdafiə günündə Vergilər Nazirliyinin Şamaxıda yerləşən Tədris Mərkəzində Respublika turunda iştirak edəcək. Rüqayyə Abdulayevaya uğurlar arzulayırıq.
