Zəfər günü-açıq dərs
Azərbaycan Respublikası Təhsil Nazirinin “27 sentyabr Anım Günü və 8 noyabr Zəfər Günü ilə bağlı Tədbirlər Planının təsdiq edilməsi barədə” 07.09.2021-ci il tarixli F-429 nömrəli əmrinin icrasını təmin etmək məqsədilə “Bakı Şəhəri üzrə Təhsil İdarəsi haqqında” Əsasnamənin 15.6-cı bəndinə əsasən Zəfər Gününə həsr olunmuş açıq dərs keçirildi. Tarix müəllimi Yeganə Ağayeva açıq dərsi Hərbi Qənimətlər parkında 9-cu sinif şagirdləri ilə birgə apardı. Dərsdə Anım və Zəfər Gününə aid çıxış edən Yeganə xanım uşaqlara 44 gün çəkən müharibənin hər anı barədə məlumat verdi. Orada müharibə iştirakçıları ilə də görüş keçirən şagirdlər onlarla xatirə şəkli çəkdirdilər.
