“Zəfər günü”nə aid silsilə tədbirlər davam edir
3 noyabr tarixində məktəbimzin 5A, 6A, 7A siniflərində "Zəfər günü” adlı tədbir-dərs keçirilmişdir. Azərbaycan dili dərsində təşkil edilmiş tədbir şəhidlərimizə həsr edilmiş yürüşlə başladı. Sonra uşaqlar Vətənə, torpağa, şəhidlərimizə həsr olunmuş şeirlər söylədilər, təqdimatlar etdilər və səhnəciklər göstərdilər. Azərbaycan dili və ədəbiyyat müəllimi İradə Ağayeva "Zəfər günü"nün mahiyyəti, xalqımızın tarixində oynadığı böyük rolu haqqında şagirdlərə ətraflı məlumat verdi. Tədbir iştirakçıları Böyük Qələbəyə görə Ali Baş Komandan İlham Əliyevə, ölməz şəhidlərimizə, qəhrəman qazilərimizə və Şanlı Ordumuza minnətdarlıq bildirdilər. Tədbirin təşkilində musiqi müəllimi Leyla Məmmədova və texnologiya müəllimi Nəzirə Zalova yaxından iştirak etmişdilər.
