"15 sentyabr-Bilik günü" qeyd olundu.
Sentyabrın 15-də Azərbaycanın çoxmilyonlu təhsil ictimaiyyətinin bayramı, Bilik günüdür. Ölkəmizdə yeni dərs ili başlayır. Məktəbimiz də bu bayramı dəvət olunmuş qonaqlar, valideynlər və məktəbə ilk addımlarını atan birincilərlə birlikdə qeyd etdi. Qonaqlarımızın arasında Nəsimi Rayon İcra Hakimiyyətinin Dövlət İdarəsi İctimai Xidmət işçilərinin həmkarlarının sədri Məmmədova Aygün də var idi. Məktəbin müdiriyyəti şagirdləri təbrik etdikdən sonra məktəbimizin istedadlı şagirdləri tərəfindən rəqs nömrəsi nümayiş olundu, həmçinin birincilər də öz şeirləri ilə özlərini təbrik etdilər.
