31 Mart Azərbaycanlıların Soyqırımı günüdür
31 mart tarixində 38 saylı tam orta məktəbdə ilk dərs saatları 31 Mart Azərbaycanlıların Soyqırımı gününə həsr edildi.Dərsləri tədris edən müəllimlər 1918-ci il martın 30-u gecə saatlarında Bakıda başlanan kütləvi qırğınlar 20 minə yaxın günahsız insanın, o cümlədən çoxlu sayda qoca, qadın və uşağın qətli ilə nəticələnməsi haqqında məlumat verdilər.Martın 30-dan aprelin 2-dək davam edən kütləvi qırğınlarda Stepan Şaumyanın rəhbərlik etdiyi erməni bolşevik dəstələri Bakıda minlərlə insanı qətlə yetirib, müsəlman ziyarətgahlarını yandırıb, Bakı əhalisinin 400 milyon manatlıq əmlakını müsadirə edib.kütləvi qırğınlar zamanı şəhərin ən möhtəşəm məscidi sayılan Təzəpir məscidi amansız top atəşinə tutulub, ermənilər Bakının ən möhtəşəm memarlıq incilərindən olan “İsmailiyyə” binasını yandırdılar.1998-ci il martın 26-da Prezident Heydər Əliyev “Azərbaycanlıların Soyqırımı haqqında” fərman imzalayıb.Həmin gündən 31 Mart tarixi Azərbaycanlıların Soyqırımı günü kimi qeyd olunması şagirdlərə bir daha vurğulandı.
