38 №-li tam orta məktəb

                                                                                                                                                           MƏMMƏDOV AYTƏKİN İSRAYIL oğlu

           Yasamal rayon 38 nömrəli tam orta məktəb 1993-cü ildən Azərbaycanın Milli Qəhrəmanı Aytəkin İsrail oglu Məmmədovun adını daşıyır. A.İ.Məmmədov 30 may 1967-ci ildə Gədəbəy rayonunun Göyəli kəndində anadan olmuşdur. 1974-1984-cü illərdə burada məktəbdə oxumuşdur. 1985-ci ildə hərbi xidmətə çağırılımışıdır. 1987-ci ildə ordudan tərxis edilmişdir. O, 1991-ci ildə DİN-nin Xüsusi Təyinatlı Polis dəstəsinə daxil olmuş, 12 aprel 1991-ci ildə Xanlar rayonu erməni işğalçıları tərəfindən hücuma məruz qalanda qəhrəmancasına həlak olmuşdur.  Subay idi. Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Məmmədov Aytəkin İsrayıl oğluna ölümündən sonra "Azərbaycanın Milli Qəhrəmanı" adı verilmişdir. Gədəbəy rayonunun Göyəli kənd qəbristanlığında dəfn edilmişdir. Bakı şəhəri 38 nömrəli tam orta məktəb və Gədəbəy rayon Göyəli kənd orta məktəbi onun adını daşıyır. 38 nömrəli məktəbdə böyük portireti, Göyəli  məktəbində isə büstü qoyulmuşdur.