Oxu günü
Fevralın 24-də “Oxu günü” nə həsr olunmuş tədbir keçirildi. Məktəbin 6A sinif şagirdləri bu tədbirə S.S.Axundovun bədii nəsr nümunələrinin kütləvi oxusu və müzakirəsi ilə qatıldılar.Müzakirə zamanı S.S.Axundovun “Nurəddin”, “Qaraca qız” , “Abbas və Zeynəb” , “Əhməd və Məleykə”, “Qan bulağı”, “Qatil uşaq”, “Yuxu və qonaqlıq” hekayələri və onların qəhrəmanları araşdırıldı.Şagirdlər əsərlərin ideyası və mövzusu ilə bağlı öz fikirlərini söylədilər.
Məktəbdə keçdikləri Ə.Səmədlinin “Qanlı bənövşə”, İ.Əhmədlinin “Dərs” hekayələri ilə müqayisə apardılar. Əsərlərdə olan oxşarlıqları vurğuladılar. Sevindirici hall budur ki, şagirdlər məkan və zaman dəyişilsə də hər üç müəllifin əsərində verilən məsum uşaqların faciəvi şəkildə öldürülməsi, haqsızlığın, acgözlüyün qurbanına çevrilməsi faktını vurğuladılar. Əsərləri bu günümüzlə əlaqələndirib nəticə çıxardılar. Bu tipli tədbirlərin əsas məqsədi də gənc nəslin dünyagörüşünü, bədii zövqünü formalaşdırmaq, ətrafda baş verənlərə ayıq gözlə baxıb münasibət bildirmək və öz fikrini sərbəst şəkildə ifadə etməkdir.
