Qarabağ şəhidləri Aydəmirov Rafiq Aydəmir oğlunun doğum günün və Məmmədov Nəsimi Daniyar oğlunun anım günü məktəbdə qeyd olundu.
Azərbaycanın Milli Qəhrəmanı Aytəkin Məmmədovun adını daşıyan Bakı şəhər 38 N li tam orta məktəbin yeddi məzunu Qarabağ uğrunda döyüşlərdə şəhid olmuşlar. Məktəbin şəhidləri 28 dekabr 1973- cü ildə anadan olmuş Aydəmirov Rafiq Aydəmir oğlunun doğum günü və 29 dekabr 1993-cü ildə şəhid olmuş Məmmədov Nəsimi Daniyar oğlunun xatirəsinə həsr olunmuş tədbir kecirilmişdir. İlk öncə şəhidlərimizin ruhu bir dəqiqəlik sükutla yad edilmişdir.Tədbirdə məktəbin direktoru Y.Əliyev çıxış edərək şəhidlərimizin həyat yolu,qəhrəmanlığı barədə ətraflı məlumat vermişdr. Şəhidin bacısı Aydəmirova Sona Aydəmir qızı çıxış edərək minnətdarlığını bildirmişdir.Məktəb şagirdləri şəhidlərimizə həsr olunmuş şerlər söyləmiş,məktəb foyesində şəhidlərin şəkilləri önünə qərənfillər düzmüş,şəhidin bacısı ilə xatirə şəkilləri çəkdirmişlər.
