Bilik günü
Məktəbdə 2017/2018-ci tədris ilinin başlanması ilə əlaqədar saat 800-da tədbir keçirildi. Dövlət Himni səsləndirildi. Məktəbin direktoru Yaşar Əliyev dərs ilinin başlanılması ilə əlaqədar şagirdləri, valıideyinləri və müəllimləri təbrik etdi. Ötən dərs ilində əldə edilmiş nailiyyətlərdən, yeni dərs ilinin “Təhsildə keyfiyyət ili” elan edilməsindən və bununla əlaqədar qarşıda duran vəzifələrdən danışdı. Birinci sinfə qəbul olunmuş 82 nəfər şagird adını qazanan uşaqları təbrik etdi. Tədbirdə BŞTİ-nin nümayəndəsi Qabil Babayevə,məktəbin qocaman müəllimi 65- yaşla əlaqədar iş fəaliyyətinə xitam verilmiş Nazilə Ağayeva çıxış edərək təbriklərini çatdırdılar. Tarix müəllimi Hgicran Əsgərova “Cocuq Mərcanlı –tarixi qayıdışın başlanğıcıdır” mövzusunda çıxış edərək cənab Prezident İlham Əliyevə minnətdarlığını bildirdi. Tədbirdə I sinfə qəbul edilən şagirdlərin ifasında vətənpərvərlik mövzusunda şeirlər səsləndirildi.İlk zəng səsləndirildi və birinciləri onbirincilər siniflərə yola saldılar. Məktəbin bütün siniflərində Dövlət Himni ilə başlayan dərslərdə “Cocuq Mərcanlı –tarixi qayıdışın başlanğıcıdır” mövzusu tədris olundu.
