Respublika günü
25 may 2017-ci il tarixdə məktəbdə Azərbaycan Xalq Cümhuriyyətinin yaranmasının 99-cu il dönümü münasibəti ilə tədbir keçirildi.Tədbirdə məktəbin direktoru Yaşar Əliyev çıxış edərək 1918-ci il may ayının 28-də Şərqdə ilk demokratik respublika- Azərbaycan Xalq Cümhuriyyətinin yaranmasından, onun tarixi əhəmiyyətindən, 23 aylıq fəaliyyətindən və 71 il sonra yenidən Azərbaycan xalqının öz dövlət müstəqilliyinə qovuşmasından ətraflı danışdı.O, çıxışında Azərbaycan dövlət müstəqilliyinin bərpası və qorunub saxlanılmasında Ulu öndər Heydər Əliyevin əvəzsiz xidmətlərindən, Heydər Əliyev yolunun layiqli davamçısı Azərbaycan Respublikasının Prezidenti cənab İlham Əliyevin uğurlu daxili və xarici siyasəti nəticəsində Azərbaycan dövlətçiliyinin dünyaya inteqrasiyasından , ölkəmizin müstəqilliyinin, suverenliyinin, ərazi bütövlüyünün, təhlükəsizliyinin qorunmasında ölçüyə gəlməyən xidmətləri barədə geniş məlumat verdi. Tədbirdə məktəb şagirdlərinin hazırladıqları ədəbi-bədii kompazisiya nümayiş olundu. Tədbirin sonunda təhsildə fərqlənən 6 nəfər şagird tərifnamə ilə və yubiley illəri ilə əlaqədar 5 nəfər müəllim məktəb tərəfindən fəxri fərmanla təltif olundu.
