Şəhidlər unudulmur
20 Yanvar faciəsinin iyirmi yeddinci il dönümü ilə əlaqədar şagirdlər məktəbin şəhid məzunlarını və Şəhidlər Xiyabanını ziyarət etmişlər. Şagirdlər şəhidlərin məzarına tər qərənfillər düzmüşlər. Ziyarət zamanı şagirdlərə vətənpərvərlik ruhunun aşılanması, onlara 20 Yanvar həqiqətlərinin daha dərindən çatdırılması məqsədi ilə məktəbin Azərbaycan dili və ədəbiyyat müəllimi Nəzakət Seyfəlova 20 Yanvar və Qarabağ şəhidləri barədə ətraflı məlumat vermişdir. O, çıxışı zamanı xalqımızın müstəqillik tarixinin şəhidlərimizin adı ilə bağlılığını bir daha vurğulayaraq şəhidlərin bizim nisgilimiz, kədərimiz olmaqla həm də qürurumuz, vüqarımız, fəxrimiz olduğunu qeyd etmişdir.
