Azərbaycan Respublikasının müstəqilliyinin bərpasının 25-ci ildönümü
17 oktyabr 2016-cı il tarixdə Azərbaycan Respublikasının müstəqilliyinin 25-ci ildönümü ilə əlaqədar olaraq “Müstəqilliyimizi qoruyaq” adlı tədbir təşkil olunmuşdur. Tədbirdə I-XI siniflər üzrə 150 şagird iştirak etdi.”Azərbaycanın dövlət müstəqilliyi əbədidir , dönməzdir ” Ümummilli lider Heydər Əliyevin bu tarixi kəlamları müstəqilliyinin 25-ci ilini qeyd edən ölkəmizdəki sosial- iqtisadi inkişafdada özünü göstərir. Bu fikirləri tarix müəllimi Şölə Qayıbovanın çıxışında səsləndi. Şagirdlərdən İnci Rüstəmova,Fidan Qurbanova , Tural Novruzov və başqaları Azərbaycanın müstəqillik yoluna qısa nəzər saldılar. Sonra şagirdlərin ifasında ədəbi-bədii kompozisiya ilə tədbir davam etdi. Yekun sözü ilə məktəbin tərbiyə işləri üzrə direktor müavini Gülnarə Vəliyeva Ulu Öndər Heydər Əliyevin fenomen şəxsiyyət olduğunu önə çəkdi.Hüseyn Cavidin “Kəssə hər kəs tökülən qan izini, qutaran dahi odur yer üzünü” sözləri sanki dahi rəhbər Heydər Əliyev üçün səslənib. Tədbirin keçirilməsində məqsəd məhz Ulu Öndərin səyi nəticəsində Azərbaycanın müstəqil dövlətə çevrilərək dünya ölkələri sırasında öz layiqli yerini tutduğunu şagirdlərə bir daha aşılamaq idi.
