Açıq dərs
Riyaziyyatın elmlərin şahı olduğunu bilən müəllimlərimiz bu fənni çox böyük maraqla tədris edir, onun sirlərini şagirdlərə öyrətmək üçün müxtəlif vasitələrdən istifadə edirlər. Açıq dərslər keçirir, tədbirlər təşkil edirlər. Belə açıq dərslərdən biri də 2b sinfində Xudiyeva Gülyaz müəllimin “Mötərizəli ifadələr” mövzusunda keçirdiyi dərs oldu.
Dərs maraqlı və müasir tələblərə uyğun təşkil olunmuşdu. Seçdiyi təlim materialları şagirdlərin yaş və bilik səviyyəsinə uyğun olmaqla yanaşı, dərs prosesində təqdim olunan düşündürücü çalışma nümunələri diqqəti cəlb edirdi. Verilmiş çalışma nümunələri müasir standartların tələblərinə tam cavab verirdi.
