35 №-Lİ TAM ORTA MƏKTƏB

 12 mart 2025 - ci il tarixində məktəbin Fəaliyyət Planına uyğun VI siniflərdə Azərbaycan dili, riyaziyyat və təbiət fənləri üzrə monitorinq keçirildi.
 Monitorinq məktəb rəhbərliyinin və nəzarətçi müəllimlərin nəzarəti altında keçirildi.
 Monitorinqin keçirilməsində əsas məqsəd VI sinif şagirdlərinin göstərilən fənlər üzrə movcud çatışmazlıqları aşkarlamaq, bu istiqamətdə onlara lazımi köməklik göstərilməsinə nail olmaq və tədrisin keyfiyyətini nəzarətdə saxlamaqdır.

Azərbaycan dili fənnindən 4a  sinfində açıq dərs keçirildi .Mövzu "Şah Abbas" mövzusu idi.Məktəb rəhbərliyi və sinif müəllimləri dərsdə iştirak etdilər.Uşaqlar tarixi şəxsiyyətlər haqqında topladıqları araşdırmaları təqdim etdilər.Şah Abbasın hakimiyyəti dövründən bəhs edən film nümayiş etdirildi.Sinif müəllimi Cəfərova Almas hazırladığı maraqlı tapşırıqları kollektiv və fərdi formada şagirdlərə işlətdi.Müəllim dərs boyunca uşaqların fəallığını təşkil etdi.

İdman həftəsi çərçivəsində məktəbimizdə müxtəlif maraqlı tədbirlər təşkil olunub. Bu tədbirlər şagirdlərin sağlam həyat tərzinə marağını artırmaq və onları aktivliyə təşviq etmək məqsədi daşıyırdı.İdman yalnız fiziki məşqlərlə məhdudlaşmır, eyni zamanda düzgün qidalanma da sağlamlığın vacib şərtlərindən biridir. Həftənin ən həyəcanlı anlarından biri isə “Ən sürətli qaçış şagirdi” adlı yarış oldu. Burada müxtəlif yaş qrupları üzrə şagirdlər sürətli qaçış üzrə mübarizə apardılar.Şagirdlərin yaradıcılığını stimullaşdırmaq məqsədilə “İdman və Sağlam Həyat” adlı rəsm müsabiqəsi təşkil olundu. Şagirdlər idmanın vacibliyini əks etdirən rəsmlər çəkərək, öz baxış bucaqlarını ifadə etdilər. Müsabiqənin sonunda ən maraqlı və məzmunlu rəsmlər sərgiləndi və qaliblər təltif olundu.
İdman həftəsi şagirdlər üçün həm faydalı, həm də əyləncəli keçdi. Belə tədbirlər gənc nəslin sağlam və aktiv böyüməsinə böyük töhfə verir.

Bu gün 35 nömrəli tam orta məktəbin ingilis dili müəllimi N.Ə.Allahverdiyevanın təşəbbüsü ilə “English is fun!” adlı tədbir keçirilib. 3 və 4-cü sinif şagirdləri ingilis dilində şeirlər söyləyib, mahnılar oxuyub və “Qırmızı Papaq” nağılını səhnələşdiriblər.

Tədbirdə məktəbin direktoru R.Ə. Naibova, təlim tərbiyə işləri üzrə direktor müavini A. Sofuyev, müəllimlər, valideynlər və ADU-nun təcrübəçi tələbələri iştirak ediblər. Sonda R.Ə. Naibova şagirdlərə təşəkkür edib və onlara uğurlar arzulayıb.

Müsabiqədə 6,7,8- ci sinif şagirdləri iştirak edirdi.Mövzu "My Native language","İ learn English  language" idi. Məqsəd yazı məzmun xətti üzrə bilik və bacarıqların yoxlanılması idi.Esse yazıda cümlələr və abzaslar düzgün yazılmalı,orfoqrafiya,qrammatika və durğu işarəsi qaydalarına əməl edilməli idi.
 Şagirdlər esse yazını komputerdə yazırdı.Bu həm də şagirdlərin komputer bacarıqlarına olan maraq və kommunikasiya biliklərinə yiyələnməklərindən xəbər verirdi.
Uğurla keçirilən müsabiqədə məktəbin direktoru Rəna Naibova,təlim tərbiyə işləri üzrə direktor müavini Azad Sofuyev,tərbiyəvi işlər üzrə direktor müavini Aygün Vəliyeva,xarici dil fənn metobirləşmə sədri Sədaqət Məmmədova iştirak edirdi.
 Məktəb rəhbərliyi müsabiqə iştirakçılarına uğurlar arzuladı.