35 №-Lİ TAM ORTA MƏKTƏB

 Məktəbdə Pedaqoji Şuranın növbəti iclası keçirildi. Məktəbin təlim-tərbiyə işləri üzrə direktor müavini, direktor əvəzi Azad Sofuyev Pedaqoji Şuranın gündəliyi ilə iclas iştirakçılarını tanış etdi.
 İclasın gündəliyindəki bütün məsələlərə aid çıxışlar dinlənilərək müzakirə edildi və gələcəkdə görüləcək işlərin əsas istiqamətləri müəyyənləşdirildi

Məktəblilər arasında zorakılığa, aqressiyaya məruz qalma halları hələ də günümüzün aktual problemlərindədir. Bullinq adlandırılan bu hal məktəblilərin bir-birinə mənəvi və fiziki üsulla təzyiq göstərməsi ilə müşahidə olunur. Uşaqların həmyaşıdlarına qarşı düşmənçilik münasibəti, onların üzərində güc tətbiq etmələri bullinq qurbanında özlərini müdafiə etməkdə çətinliyə, özgüvən əskikliyinə, təkliyə meyilli olmağa, yad insanlar tərəfindən asanlıqla aldadılmağa səbəb olur.
  Məktəbin sinifdənxaric və məktəbdənkənar tərbiyə işi üzrə təşkilatçı A, Vəliyeva, UBTR T. Məhərrəmova və psixoloq K. Hüseynovanın təşkilatçılığı ilə “Bullinqə son” adlı sərgi təşkil olundu. Şagirdlər tərəfindən mövzuya uyğun çəkilmiş rəsmlər , hazırlanmış referatlar təqdim olundu, şagirdlər maarifləndirildilər. 

   Ölkəmizdə bütün sahələr olduğu kimi, nəqliyyat sahəsi, eləcə də yol infrastrukturu hər zaman inkişaf edir, yol şəbəkəsi genişlənir, yeni yollar çəkilir. Bu baxımdan yol hərəkəti təhlükəsizliyinin təmin olunması da əsas amil kimi önə çıxır. Təhsil müəssisələrində yol hərəkətinin təhlükəsizliyinin təşkilinə dair təbliğat-təşviqat, maarifləndirmə tədbirləri hər il təşkil olunur.
   Məktəbin şagirdlərlə məktəbdənkənar və
Sinifdənxaric işi üzrə təşkilatçı müavin A.Vəliyeva və UBTR T. Məhərrəmova şagirdlərlə “ Yol hərəkəti qaydalarına əməl edək, özümüzü təhlükələrdən qoruyaq ! ” adlı maarifləndirici tədbir təşkil etdilər. 

    Korrupsiya cəmiyyətin hər bir sahəsində inkişafa mane olan əsas faktorlardan biridir. Toplumun mütərəqqi inkişafına mənfi təsir göstərir, iqtisadi və sosial tərəqqiyə ciddi təhlükə yaradır, insan hüquq və azadlıqlarının pozulmasına gətirib çıxarır. Korrupsiyanın mövcud olması milli və ümumbəşəri dəyərlərə xələl gətirməklə yanaşı, demokratik və hüquqi dövlət strukturuna zərbə vurur. Korrupsiya halları dürüstlük, ədalət dəyərlərinə ziddir və zamanla sosial inamı azaldır, cəmiyyətin rifahını təhdid edir, sosial-iqtisadi inkişafa mane olan cinayət əməli kimi qiymətləndirilir.
Məktəbin direktoru R.Naibovanın təşkilatçılığı ilə dəyirmi mada keçirildi. Mövzu üzrə müəllimlər maarifləndirildilər, lazımi tövsiyyələr verildi. 

  Ölkəmizdə məişət zorakılığı hallarının mövcudluğu hüquqi müstəvidə bu hallarla mübarizəni gündəmə gətirir. Məişət zorakılığına qarşı mübarizə bütün cəmiyyətlərdə olduqca mürəkkəb bir problemdir. Ona görə də, məişət zorakılığı və ya ailədə zorakılıq halları yanlız bir ailə üçün deyil, bütövlükdə cəmiyyət üçün təhlükəlidir. Məişət zorakılığı probleminin həlli hərtərəfli yanaşma və məqsədli tədbirlərin həyata keçirilməsini tələb edir.
   Məktəbin psixoloqu K. Hüseynovanın təşkilatçılığı ilə “ Məişət zorakılığına son ! “ adlı dəyirmi masa təşkil olundu. Şagirdlərlə maarifləndirici söhbət aparıldı, videoçarx nümayiş olundu. Tədbirdə məktəbin şagirdlərlə dərsdənkənar və sinifdənxaric işi üzrə təşkilatçı müavin A. Vəliyeva da çıxış edərək, şagirdlərə tövsiyələrini verdi.