“Qəbul imtahanı həyəcanının aradan qaldırılması”
24 aprel tarixində məktəbdə “Qəbul imtahanı həyəcanın aradan qaldırılması” mövzusunda seminar keçirildi.Seminarda məktəbin 11- ci sinif şagirdləri , psixoloq və direktor müavinləri iştirak etdilər.Psixoloq Könül Hüseynova öz çıxışı zamanı qeyd etdi ki, imtahana hazırlaşan hər bir abituriyent psixoloji cəhətdən hazır olmalıdır.Bunun üçün ətraf mühit əsas götürülür.Həmin abituriyenti əhatə edən insanlar: müəllimlər, valideynlər, çox diqqətli olmalı, onlara dəstək verməlidir. Bunun üçün isə məktəblə valideyn arasında sıx əlaqə olmalı,qarşılıqlı münasibət qurulmalıdır.Elə etmək lazımdır ki, imtahana hazırlaşan şagird gərginlikdən uzaq olsun.Müəllim və valideynlər onların psixologiyasına uyğun hərəkət etməli, onları başa düşməli və uğur qazanmaları üçün onlara yardımçı olmalıdırlar.
