Azərbaycan Xalq Cumhuriyyəti - 100
Şərqdə ilk demokratik respublika qurucularının dövlətçilik tarixində göstərdikləri misilsiz xidmətlər barədə məktəblilərin əldə etdikləri bilikləri təkmilləşdirmək, vətənpərvərlik hisslərini artırmaq, nitq mədəniyyətlərini formalaşdırmaq və bədii qiraət sahəsində istedadlı şagirdləri müəyyənləşdirmək məqsədi ilə məktəblilər arasında Bakı Şəhəri üzrə Təhsil İdarəsinin “Azərbaycan Xalq Cumhuriyyəti ili” milli özünüdərkin gerçəkləşdirilməsi üçün zəmindir” adlı “Ən yaxşı şeir ifaçısı” bədii qiraət müsabiqəsi təşkil edilmişdir. Bu müsabiqədə məktəbimizin şagirdləri həvəslə iştirak etmiş, şairlərin qəlbindən süzülüb gələn vətən sevgisi, torpaq həsrəti, dodaqlara gülüş, ürəklərə mərhəmət, sevgi bəxş edən, gözə görünmədən insan varlığını riqqətə gətirən şeirlər söylənmiş, vətən sevgilərini ifadə etmişlər.
