Müəllimlərin pedaqoji mühazirələrinin müzakirəsi
Azərbaycan Respublikası təhsil nazirinin 28 avqust 2017-ci tarixli 261 №li əmri ilə 2017/2018-ci tədris ili “ Təhsildə keyfiyyət ili” elan edilmişdir. Bu məqsədlə təhsil işçilərinin, əsasən də, müəllimlərimizin üzərinə çox böyük vəzifələr düşür. Təhsilin müxtəlif sahələrində olduğu kimi, ümumi təhsilin keyfiyyət göstəricilərinin yaxşılaşdırılması ilə bağlı aktual məsələlərə həsr olunmuş pedaqoji mühazirələrin keçirilməsi nəzərdə tutulur. Burada əsas məqsəd təhsil işçilərinin rəy və mülahizələrini öyrənmək, yaradıcı müəllim və məktəb rəhbərini aşkara çıxarmaq, qabaqcıl təcrübə nümunələrini təbliğ etmək və perispektiv üçün inkişafyönümlü təkliflər hazırlayıb təbliğ etməkdən ibarətdir.
Bir neçə mərhələdə keçiriləcək pedaqoji mühazirələrin məktəb mərhələsində müəllimlərimizin mühazirələri dinlənildi, ən yaxşıları seçilərək rayon turuna göndərildi.
