Üç rəngli bayrağım
Bayraq dövlətin ən qiymətli rəmzlərindəndir.Hər kəs onun qarşısında baş əyir, ürəyinin üstündə, başının üzərində gəzdirir. Vətəni sevmək, ona sahib çıxmaq, bayrağını bayraqlar arasında dalğalanan görmək, əməli, işi ilə ən yüksək arenalarda qaldırmaq bütün gənclərin arzusudur. Bu arzunu ürəyində gəzdirən, dövlətin müstəqilliyi, bayrağı uğrunda canından belə keçməyə hazır olan şagirdlərimiz əllərində bayraqlar tutaraq yürüş keçirmiş, üçrəngli bayrağımızın həmişə yüksəklərdə dalğalanacağına inamlarını nümayiş etdirmişlər.
