Şəhidlər unudulmur
Şəhidlik ən ali, müqəddəs və şərəfli zirvədir. Çünki şəhidlər Vətənin, millətin yolunda şüurlu surətdə öz canlarından keçən insanlardır. Bu cür insanlar yüksək əxlaqi keyfiyyətlərə malik olmaqla, qəlblərində Vətənə, millətə sevgi olduğu üçün şəhidlik mərtəbəsinə ucalırlar. Bu mərtəbəyə yalnız müqəddəs amalları uğrunda çarpışan, qorxu nədir bilməyən cəsarətli, ləyaqətli insanlar yüksələ bilərlər. Məktəbin müəllimləri L.Paşayeva, A.Cəfərova, Ş.Fətullayeva, G. Xudiyeva və Y. Bayramovanın təşkilatçılığı ilə 2-ci, 3-cü və 4-cü sinif şagirdləri Şəhidlər xiyabanını və Fəxri xiyabanını ziyarət edib, şəhidləri dərin ehtiram və hüznlə yad etmişlər.
