"Qarabağ Dastanı" adlı tədbir
05.11.2024-cü il tarixində 329 nömrəli məktəbin akt zalında 7 a və 7 b siniflərinin iştirakı ilə 8 Noyabr - Zəfər Gününə həsr olunmuş "Qarabağ Dastanı" adlı tədbir keçirildi. Tədbirdə,Azərbaycan Təhsil İşçiləri Azad Həmkarlar İttifaqı Səbail rayon komitəsinin sədri Abbasov Mükafat, Bakı Şəhər Gənclər və İdman İdarəsinin Səbail rayonu üzrə Gənclər və İdman sektorunun müdiri Zamin Əhmədov, Səabil rayon üzrə Hərbi rəhbərlər, məktəbin direktoru Elnur Mirzəyev, müəllim və şagird kollektivi iştirak etdi.Tədbirdən öncə şəhidlərin ruhuna hörmət əlaməti olaraq məktəbin həyətində barelyefi qoyulmuş 1-ci Qarabağ müharibəsi şəhidi Bakir Quliyevin adına ucaldılmış xatirə lövhəsinin önünə gül dəstəsi qoyulmuş, xatirəsi ehtiramla anılmışdır.Daha sonra isə məktəb foyesində “Zəfər Gününə” həsr olunmuş şagirdlərin əl işlərindən ibarət rəsmlər sərgiləndi.Qalib şagirdlər tədbirin sonunda mükafatlandırıldı.
Tədbirdə şəhidlərimizin əziz xatirəsi bir dəqiqəlik sükutla yad edildi və qəhrəmanlıq dastanları ilə dolu bir təqdimat edildi. Şagirdlər və müəllimlər vətənpərvərlik ruhunu, ordumuzun və xalqımızın şücaətini əks etdirən səhnəciklər və musiqi nömrələri ilə çıxış etdilər. Bu tədbir, şanlı zəfərimizin gələcək nəsillərə əmanət edilməsi və unudulmaz qalması üçün böyük önəm daşıyır. Tədbirin təşkilində iştirak edən bütün müəllim və şagirdlərə dərin təşəkkürümüzü bildiririk.”
