329 №-li tam orta məktəb

Fevralın 14-ü Bakı Şəhəri üzrə Təhsil İdarəsinin 11 fevral 2020-ci il tarixli F-52 nömrəli əmrinə əsasən “Gənc  fiziklərin yaradıcılıq” müsabiqəsinin birinci mərhələsi keçirildi. Müsabiqə məktəbin IX-XI sinif şagirdləri arasında aparıldı.

Müsabiqənin keçirilməsində məqsəd ümumtəhsil müəssisələrinin şagirdlərinin fizika elminə olan marağının daha da artırılıması, bu sahədə nəzəri-təcrübi biliklərinin təkmilləşdirilməsi, onların praktik və yaradıcılıq qabiliyyətlərinin inkişaf etdirilməsidir.

Səbail rayonu Gigiyena və Epidemiologiya Mərkəzinin 3 fevral 2020-ci il tarixli 02-37/18 №-li məktubuna əsasən kəskin respirator virus infeksiyalarının profilaktikası məqsədilə məktəbin tibb bacısı Sevinc Əsgərova tərəfindən şagirdlər arasında ilkin olaraq xəstəliklərin vaxtında aşkarlanması üçün yoxlama keçirdi.

Tibb bacısı şübhəli görünən uşaqları müayinə edərək onların selikli qışalarına, saçlarına baxıb onları termometriya etdi. Həmçinin şəxsi gigiyena qaydaların gözlənilməsinə dair maarifləndirici söhbətlər apardı.

Fevralin 7-si tarixdə Səbail rayonu Polis İdarəsinin rəis müavini polis-polkovnik leytenantı Emil Cavadovun rəhbərliyi ilə məktəbin akt zalında “Biz narkotik bəlasına YOX deyirik” və “Erkən nikah” mövzusunda tədbir keçirildi.

Tədbirdə Səbail RPİ-nin YYÇPİTB-nin polis baş leytenantı ƏsədUmbayev və 41-ci polis bölməsinin inspektoru Zahir Əbilhəsənov iştirak edilmişdir.

Görüşdə müəllim şagird münasibətləri vəyetkinlik yaşına çatmayanların hüquq və vəzifələri aspektində məqsədyönlü ümumi profilaktik söhbətlər aparıldı. Sonda məzmunla əlaqədar görüntülər nümayiş olundu.

Yanvarın 31-də Pedaqoji Şuranın illik Fəaliyyət Planına uyğun olaraq I yarımilin yekunlarına həsr olunmuş 2019-2020-ci tədris ilinin Pedaqoji Şura iclası keçirildi.

İclasda I yarımildə pedaqoji sahədəki fəaliyyətin düzgün və səmərəli təşkilinə görə fərqlənən müəllimlərin adları vurğulandı.

Yarımil əzində aylıqlar çərçivəsində görülmüş işlərin hesabatları dinlənildi, bir sıra məsələlər müzakirə edildi.

II yarımildə qarşıya qoyulmuş məsələlərə toxunuldu, rəy və təkliflər irəli sürüldü.

Məktəbin V “B” sinif şagirdi Aydan Bağırlı 28 yanvar tarixində 36 kq çəkidə kiçik yeniyetmələr arasında cüdo üzrə şəhər birinciliyində III yerə layiq görüldüyünə görə Bakı Şəhər Gənclər və İdman Baş İdarəsi tərəfindən diplomla təltif olunmuşdur.