5 oktyabr müəllimlər günü
5 oktyabr bütün müəllimlərin peşə bayramı günüdür.Ulu öndər Heydər Əliyev deyirdi:Mən müəllimdən yüksək ad tanımıram.Dövlət başçımız prezidentimiz cənab İlham Əliyev, I vitse-prezidentimiz Mehriban xanım Əliyeva müəllimlərə, onların əməyinə hər zaman yüksək qiymət verərək onları daha yaxşı çalışmağa ruhlandırırlar.Hər il olduğu kimi bu il də Qaradağ rayon İcra Hakimiyyəti müəllimlərin bayramına həsr olunmuş tədbir keçirdi.Ötən dərs ili ərzində fərqlənən , yüksək nəticə göstərən müəllimlərə fəxri fərman və diplomlar təqdim olundu.321 saylı məktəbin kimya müəllimi Hüseynov Təmkin icra başçısı tərəfindən Fəxri fərmana layiq görüldü.Məktəbimizin məzunu Təhməzzadə Səmral 620 bal toplayaraq Tibb Universitetinin tələbəsi adını qazanmışdır.Gələcəyin həkimi olacaq Səmral kimya fənnindən yüksək nəticə göstərmişdir.Yalnız Səmralın deyil, digər şagirdlərimizin də kimya fənnini sevməsində və bu fənn üzrə müsabiqə və sınaqlarda yaxşı nəticə göstərməsində Təmkin müəllimin əvəzsiz rolu vardır.O, öz fənninin sirlərini hər bir şagirdə böyük həvəs və sevgiylə öyrədir.Təmkin müəllimə və onun simasında bütün müəllimlərimizə uğurlar və nailiyyətlər arzu edirik.
