321 №-li tam orta məktəb

   12 dekabr  2024-cü il tarixində Ulu öndər Heydər Əliyevin anım gününə həsr olunmuş dəyirmi masa təşkil edildi.Dəyirmi masada çıxış edən tarix müəllimi Əliyeva İlahə ümummilli liderin zəngin siyasi təcrübəsindən, xalqımız və dövlətçiliyimiz uğrunda xidmətlərindən danışdı.Heydər Əliyevin xalqımıza bəxş etdiyi müstəqilliyimizin  İlham Əliyev tərəfindən qorunması və gücləndirilməsi qeyd olundu.Azərbaycan dili müəllimi Gülər Səfərova bildirdi ki, Ulu öndər Heydər Əliyevin bütün sahələrdə olduğu kimi  mədəniyyətin və incəsənətin inkişafinda da  böyük rolu və əvəzsiz xidmətləri olmuşdur.Ana dilimizin bu günə qədər öz toxunulmazlığını qoruyub saxlaması bilavasitə ümummilli liderin azərbaycançılıq ideologiyası uğrunda apardığı mübarizənin nəticəsidir.

   11 dekabr 2024-cü il tarixində X-XI sinif şagirdləri üçün  "Naxçıvanın geosiyasi mövqeyi" mövzusunda seminar keçirildi.Seminarda çıxış edən tarix müəllimi Nurəddin Hümmətov Naxçıvan Muxtar Respublikasının yaranması, onun geosiyasi mövqeyi haqqında ətraflı məlumat verdi.

   2024-2025-ci tədris ili üzrə məktəbin Fəaliyyət planına əsasən 04 dekabr 2024-cü il tarixində 6 və 9-cu siniflərdə direktoryanı monitorinq keçirildi.Monitorinqin keçirilməsində məqsəd şagirdlərin buraxılış fənləri üzrə təlim nailiyyətlərinin yoxlanılmasından ibarət idi.

   3 dekabr 2024-cü il tarixində 6-14 yaşlı şagirdlərimiz "Bilim Bakı Mərkəzi"ndə oldular.Şagirdlərimizə məktəbdə öyrəndikləri anlayışlar tətbiqi təlimlər vasitəsi ilə əyani nümayiş etdirildi, gündəlik həyatda elm və texnologiyanın ekvivalenti göstərildi.Həmçinin nəzəriyyəsi məlum olan elmi hadisələrin  praktikada necə işlədiyini müşahidə etmək imkanları yaradıldı.

   "Yaşıl dünya naminə həmrəylik ili" və COP29 çərçivəsində keçirilmiş tədbirlərin və "Məktəbdə Ekologiya Ayı"nın yekunlaşdırılması məqsədilə müəllim və şagirdlərimiz məktəb rəhbərliyi tərəfindən rəğbətləndirildi.Məktəbin direktoru  Vasif Musayev məktəbimizdə yaşıl siniflərin, ekoloji guşənin yaradılmasında, ağacəkmə aksiyalarında, maarifləndirmə tədbirlərində fəal iştirak edən müəllim və şagirdlərə təşəkkürnamələr təqdim etdi.Ekologiya ayı layihəsinin yüksək səviyyədə keçirilməsinə rəhbərlik edən biologiya müəllimi Xatirə Rüstəmova isə diplomla təltif olundu.