321 №-li tam orta məktəb

   Ötən həftə 6a sinfində daha bir təşkilat saatı keçirildi.Bu dəfə sinif rəhbəri Cəbrayılova Gövhər sinif saatında"Birlikdə mütaliə edək-Kitab ən yaxın dostumdur" mövzularının müzakirəsini təşkil etdi.Müzakirələrdən sonra şagirdlər məktəb kitabxanasında oldular.Kitabxanaçı Məcidova Qənirə  kitabsevərləri maraqlı ədəbiyyat nümunələri ilə tanış etdi.

   01 dekabr 2023-cü il tarixində məktəbin  4c sinif şagirdləri  Bakı Zooloji parkında oldular.Sinif rəhbəri  Feyzullayeva Fatma dərsi "Bakı Zooloji Parkında dərs ekskursiyaların təşkilinə dailr təlimat"a uyğun olaraq təşkil etmişdi.Dərsin keçirilməsində  məqsəd şagirdlərin fəal öyrənmələrinə dəstək verən üsullardan biri kimi  dərs-ekskursiya formasını dəyərləndirməkdən ibarət idi.Şagirdlər Həyat bilgisi fənnindən "Yer təbiətinin müxtəlifliyi"mövzusunu parkda gördükləri  heyvanların həyat tərzlərinin müxtəlifliyi ilə əlaqələndirdilər.

   01 dekabr 2023-cü il tarixdə 321 nömrəli tam orta məktəbin 3a sinif şagirdləri Bakı Zooloji Parkında dərs-ekskursiyada oldular.Sinif rəhbəri Nurəddinova Gülnarə tərəfindən tədqiqat sualı verildi,şagirdlərin müzakirəsi təşkil edildi.Maraqlı təşkil edilən ekskursiyadan sonrakı tapşırıqlar verildi.Bu tapşırıqların Zoopark, oradakı heyvanlar barədə fikir və hissləri əks etdirən esse və ya təqdimat formasında olması tövsiyə edildi.

   STEAM Azərbaycan Festivalı Ümummilli Lider Heydər Əliyevin 100 illik yubileyinə həsr olunur.Festivalın keçirilməsində məqsəd STEAM əsaslı tədrisin təşviqi,şagirdlər arasında XXI əsr  bacarıqlarının inkişaf etdirilməsi yaradıcı,rəqəmsal texnologiya biliklərinin  şagirdlərdə aşkarlanması və şəbəkələşməsindən ibarətdir.Məktəbimizn 10p sinfi Müəllim Qədirli Şəlalənin rəhbətliyi ilə İnnovation kateqoriyası üzrə SAF-a qoşuldu.Şagirdlərimiz yanğınsöndürən  çoxfunksiyalı robot hazırladılar.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində tədris, təlim-tərbiyə prosesinin təşkili və idarə olunması ilə bağlı operativ monitorinqlər keçirilir.

Monitorinqlərin təşkil olunmasının əsas məqsədi seçmə üsulla müəyyənləşdirilmiş məktəblərdə təhsil mühitinin öyrənilməsindən ibarətdir. Təhsil müəssisələrində sağlamlıq, təhlükəsizlik və nizam-intizam, tədris-pedaqoji və digər sənədlərlə işin təşkili, inzibati heyətin fəaliyyəti, metodiki işin təşkili monitorinq zamanı müşahidə olunan əsas istiqamətlərdəndir. Proses zamanı müvafiq istiqamətlərə aid olan 35 meyar 4 səviyyə üzrə qiymətləndirilir.  

Monitorinqlərin nəzərdə tutulan əhatə dairəsinin təmin olunması üçün BŞTİ tərəfindən 6 komissiya yaradılıb.

Monitorinqlərin yekununda ümumi təhsil müəssisələrində təlimatların tələblərinin icrası, şəxsi nümunə və sosial məsuliyyət, məktəb sənədləri ilə iş, fənn müəllimlərinin təlim prosesinə hazırlıqlı qoşulması, dərs prosesində şagirdlərin aktivliyinin artırılması, şagird nailiyyətlərinin və davranışlarının obyektiv qiymətləndirilməsi ilə bağlı müvafiq təklif və tövsiyələr verilir.

Qeyd edək ki, monitorinqlərin sistemli və ardıcıl şəkildə davam etdirilməsi nəzərdə tutulur.