Narkomaniyaya qarşı mübarizə
Narkotik maddələrin gənc nəsillər arasında yayılması təhlükəsini nəzərə alaraq, məktəbdə Narkomanyaya qarşı mübarizə adlı tədbir keçirildi. Bu bəla ilə mübarizə etmək bir o qədər asan deyil. Narkotik maddə alverçiləri uşaqların çox olduğu yerlərdə olur, onlara həmin məhsulları təklif edirlər. Pul qazanmaq naminə onlar insanları, xüsusilə uşaqları ölümə aparan bu pis vərdişə alışdırırlar. Bu mübarizənin aparılmasında, gənclərimizin bu mövzuda maarifləndirilməsində, bu bəlaya qarşı təbliğatın gücləndirilməsində belə tədbirlərin rolu böyükdür. Tədbirdə tamaşa, gənclərlə söhbət, görüş, rəsm sərgisi, kitab sərgisi, dəyirmi masa formatında keçirilib. Dövrümüzün aktual, ağrılı problemi olan narkomaniya və onun fəsadları, ona qarşı mübarizə yolları ilə bağlı əhali, xüsusən də gənc nəsil arasında maarifləndirmə və təbliğat işlərinin aparılması mütəmadi olaraq davam etdiriləcəkdir.
