Rus-dili günü
6 İyun Beynəlxalq Rus Dili Günüdür.Bu gün dahi rus şairi Aleksandr Sergeyeviç Puşkinin doğum günüdür.Dünyanın bir çox ölkələrində, o cümlədən Azərbaycanda da rus dili günü qeyd olunur.Rus dili gününün qeyd olunması və rus dilinə marağın artırılması məqsədilə məktəbimizdə gözəl bir tədbir keçirildi.
Tədbir rus dili müəllimi Lalə Rəhimli tərəfindən təşkil edilmişdi.Tədbirdə şair Puşkinin yaradıcılığı, rus ədəbiyyatı, rus dili və mədəniyyəti haqqında təqdimatlar oldu.Daha sonra rus dilində mahnılar oxundu, kompozisiyalar nümayiş olundu.
Məktəbin direktoru Vasif Musayev tədbir iştirakçılarını salamlayaraq bildirdi ki, rus dilinin əhəmiyyəti dünya səviyyəsində də yüksəkdir.Bir çox ölkədə rus dili tədris olunur və rus dili bilikli insanlar dünya ədəbiyyatına və mədəniyyətinə mühüm töhfələr verir.Daha sonra Vasif müəllim tədbiri hazırlayan Lalə Rəhimliyə və şagirdlərə öz minnətdarlığını bildirdi.Onlara gələcək layihələrdə uğurlar arzuladı.
