Məktəbəmizin qəhrəman məzunları
Yola saldığımız 2020-ci il Azərbaycan xalqının tarixində ən şərəfli,ən unudulmaz il olaraq qalacaqdır.Bütün dünyanın Koronavirus pandemiyası ilə mübarizə apardığı bir vaxtda 2020-ci il sentyabrın 27-dən şanlı ordumuz Ali baş komandan İlham Əliyevin başçılığı və göstərişi ilə əzəli Qarabağ torpaqlarımızı erməni işğalçılarından azad etdi.8 noyabr Azərbaycan tarixinə "Zəfər günü" kimi yazıldı.Bəli,biz 2020-ci ili qalib xalq kimi başa vurduq.
321 nömrəli tam orta məktəb də pandemiya şəraitinin bütün çətinliklərinə baxmayaraq 2020-ci ili layiqli şəkildə başa vurur.Müəllimlərimiz öz şagirdlərini distant təhsilə cəlb etmiş,onlayn qaydada yarışmalarda,tədbirlərdə iştirak etmişdir.
"Ən yaxşı təqdimat","Üç alov musiqi festivalı","Gələcəyini qurlayihəsi","Qarabağ Azərbaycandır"-adlı intellektual müsabiqələrə qoşulmuşdur.Bu ilki məzunumuz Əlizadə Ellada Vüqar qızı 600-dən yüksək bal toplayaraq Azərbaycan Tibb Universitetinə qəbul olmuşdur.
2020-ci ili məktəbimiz qalib olaraq başa vurur.Belə ki, məzunumuz,məktəbimizin fəxri Xəlilov Ələddin Əlizaman oğlu II Qarabağ müharibəsində qəhrəmancasına şəhid olmuş,ölümündən sonra "İgidliyə görə"medalı ilə təltif olunmuşdur.Digər məzunlarımız Mehdiyev Ənvər Müşfiq oğlu,Rzayev Şəms Dilavər oğlu,Məmmədov Hünər müharibədə göstərdikləri igidliklərə görə medalla təltif olunmuşlar.İnanırıq ki, 2021-ci ildə məktəbimiz Qarabğımızda keçiriləcək möhtəşəm müsabiqələrdə,layihələrdə böyük şərəf və qürur hissi ilə iştirak edəcəkdir.
