“ÖLKƏMİZİ TANIYAQ” – QƏDİM GƏNCƏ
Suraxanı rayonu üzrə tam orta ümumtəhsil məktəblərinin 40 nümunəvi şagirdinin noyabrın 16-dan 19-dək Gəncə-Şəmkir-Göygöl istiqamətində “Ölkəmizi tanıyaq” devizi ilə keçirilən maarifləndirici tur-aksiyası uğurla yekunlaşıb. Məktəbimizin əlaçı şagirdləri də bu tur-aksiyada iştirak etmişdir. Məktəblilər üç gün ərzində Gəncə şəhərinin, eləcə də Göygöl və Şəmkir rayonlarının sosial-iqtisadi inkişafı istiqamətində görülən işlər, son illərdə inşa edilən sosial obyektlər, əyləncə və istirahət mərkəzləri, tarixi-mədəni abidələr, turizm obyektləri, muzeylərlə tanış olublar. Maarifləndirici xarakter daşıyan tur-aksiya zamanı şagirdlərə bölgənin tarixi, adət-ənənələri, coğrafiyası, turizm imkanları haqqında ətarflı məlumat verildi.
