Valideynlərlə görüş keçirildi
Yeniyetmə şagirdlərin valideynləri ilə növbəti görüş keçirildi. İclasda sinif rəhbəri, fənn müəllimləri və məktəbin psixoloqları iştirak etdilər. Psixoloqlar şagirdlərin yaş dövrü ilə əlaqədar olaraq baş verə biləcək psixoloji problemlər və onların həlli yolları, "risk qrupuna" daxil olma ehtimalı olan yeniyetmələr haqqında valideynlərə məlumat verdilər. "Risk qrupu"na aid olan şagirdlər dedikdə, arzuolunmaz təsir altına düşə biləcək uşaqlar nəzərdə tutulur. Həmçinin onların əsasən natamam və qeyri-sabit sosial-iqtisadi durumlu ailələrdən olduqları qeyd edildi. Psixoloqlar bildirdi ki, risk qrupuna aid olma ehtimalı olan şagirdlər üzərində nəzarət yalnız ailə və məktəbin birgə fəaliyyəti nəticəsində mümkündür. Eyni zamanda bildirildi ki, yeniyetməlik yaş dövrünün əsas aparıcı fəaliyyət forması - ünsiyyət olduğundan, valideyn və övlad arasında sağlam ünsiyyət olduqda, baş verə biləcək problemlərin qarşısını almaq mümkündür.
İclasın sonunda valideynləri maraqlandıran suallar cavablandırıldı və müəyyən tövsiyələr verildi.
