"Bullinq nədir?" mövzusunda psixomaarifləndirmə işi aparıldı
Məktəbin psixoloqları Vəfa Əliyeva və Şəbnəm Əzizova tərəfindən erkən yeniyetməlik yaş dövründə olan şagirdlərlə "Bullinq anlayışı, onun yaratdığı fəsadlar və onunla mübarizə yolları" haqqında maarifləndirmə işi həyata keçirildi. Təlim zamanı uşaqlara bullinqin məktəb mühitində başqalarına təsir göstərmək üçün tətbiq edilən, həmyaşıdlar tərəfindən göstərilən təzyiq olduğunu, buraya şifahi qısnama (verbal), fiziki, psixoloji təzyiqin daxil olduğu bildirildi. Psixoloqlar, xüsusilə, yeniyetmələr arasında geniş yayılan bullinqin çox ciddi fiziki və psixoloji travmalara və faciələrə səbəb olduğunu, onun qarşısının alınması üsulları və müdaxilə metodlarını qeyd etdilər.
Sonda şagirdlər mövzu əsasında fikir və qeydlərini "Problemlərlə mübarizə" lövhəsində qeyd etdilər.