Xocalı soyqırımının otuz ikinci ildönümünə həsr olunmuş xüsusi dərslər keçirilib
318 nömrəli tam orta məktəbdə Xocalı soyqırımının otuz ikinci ildönümünə həsr olunmuş xüsusi dərslər keçirilib. Dərs Xocalı qurbanlarının əziz xatirəsinin bir dəqiqəlik sükutla yad edilməsi ilə başlayıb. Daha sonra ədəbi-bədii kompozisiyalar, şagirdlərin əl işlərindən ibarət rəsmlər sərgilənib. Sonda sənədli və bədii filmlər nümayiş olunub.
Keçirilən bu xüsusi dərslərin əsas məqsədi böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat vermək olub.
