Yeniyetmə şagirdlərin valideynləri ilə görüş keçirildi
30 yanvar 2024-cü il tarixində yeniyetmə şagirdlərin valideynləri ilə görüş keçirildi. Görüşdə sinif rəhbərləri, fənn müəllimləri və məktəbin psixoloqları iştirak etdi.
İclasda müəllimlər şagirdlərin davranış və akademik fəaliyyətləri haqqında valideynləri məlumatlandırdı. Məktəb psixoloqları şagirdlərin yaş dövrü ilə əlaqədar olaraq baş verə biləcək psixoloji problemləri və onların aradan qaldırılma yolları haqqında valideynlərə öz tövsiyələrini verdilər. Eyni zamanda psixoloqlar bildirdilər ki, yeniyetməlik yaş dövrünün əsas aparıcı fəaliyyət forması - ünsiyyət olduğundan, valideyn və övlad arasında sağlam ünsiyyət olduqda, baş verə biləcək problemlərin qarşısını almaq mümkündür.
Sonda valideynləri maraqlandıran suallar cavablandırıldı və iştirakları üçün təşəkkür edildi.
