"Reproduktiv sağlamlıq" mövzusu əsasında iclas keçirildi
11 yanvar 2024-cü il tarixində məktəbin psixoloqları Vəfa Əliyeva və Şəbnəm Əzizova tərəfindən yeniyetmə şagirdlərin valideynləri ilə "Reproduktiv sağlamlıq" mövzusu əsasında iclas keçirildi. İclasın keçirilməsində məqsəd, yeniyetməlik dövrünə qədəm qoymuş şagirdlərin yaş dövründə yarana biləcək psixoloji və fizioloji problemləri barədə profilaktik maarifləndirici iş aparmaqdan ibarətdir.
Psixoloqlar görüş zamanı metodik vəsaitdə verilmiş mövzular haqqında ətraflı məlumat verərək, şagirdlərin təhlükəsiz şəraitdə sağlam böyüməsinə şərait yaratmaq, özünü və başqalarını tanımağa kömək etmək kimi mühüm məsələlərə toxundular. Sonda valideynlər mövzu ilə bağlı fikirlərini bölüşdülər və onları maraqlandıran suallar cavablandırıldı.
