"Mən və mənim əhatəm" mövzusunda məşğələ keçirilib
Reproduktiv sağlamlıq tədrisi üzrə məktəbin psixoloqları VIII sinif şagirdləri ilə "Mən və mənim əhatəm" mövzusunda məşğələ keçiriblər. Psixoloqlar tərəfindən şagirdlərə dostluğun onlar üçün əhəmiyyəti barədə, dostluq və dostluğa verilən tələblər, yeniyetmə oğlanlar və qızlar arasında dostluq münasibətləri kimi suallar ünvanlanıb. Şagirdlər onlara təqdim edilən kağızlarda sinif yoldaşları haqqında suallara cavab yazıblar. Bununla bərabər psixoloqlar uşaqlara "yeniyetməlik dövründə dostluq münasibəti", "yeniyetmənin dost anlayışı" kimi bir sıra mövzulara da toxunublar. Məşğələ şagirdlər arasında maraqla qarşılanıb, müzakirə əsasında suallar verilib.
