"Ailə, məktəb və cəmiyyət" layihəsi əsasında görüş keçirildi
Bakı şəhəri 318 nömrəli tam orta məktəbdə "Ailə,məktəb və cəmiyyət" adlı maarifləndirmə layihəsi əsasında valideynlərlə görüş keçirildi. Görüşdə, məktəb psixoloqları Vəfa Əliyeva və Şəbnəm Hümbətova ailənin psixoloji iqliminə təsir edən amillər, ailədaxili münasibətlərin və ailə zorakılığının uşaqların təlim fəaliyyətinə, davranışına, psixoloji durumuna təsiri, ailədə yaranan problemlər və onların həlli yolları haqqında danışdılar. Onlar valideyn-məktəb-şagird münasibətlərinin qarşılıqlı əlaqəsinin düzgün qurulması barədə valideynlərə məlumat verdilər.
Sonda mövzu ilə bağlı valideynlərin fikirləri dinlənildi və onları maraqlandıran suallar cavablandırıldı.
