Şagirdlərlə qurd əleyhinə söhbətlər aparılır
Uşaqlar qurd-parazit ilə daha tez-tez yoluxurlar, çünki uşaqların sanitar-gigiyenik normaları daha aşağı olur.Onlar tez-tez əllərini ağızlarına salırlar, dırnaq yeyirlər, it, pişiklə oynayırlar. Parazitlər insan orqanizmində mədə-bağırsaq xorası, hepatit, şiş və xərçəng kimi müxtəlif qorxulu xəstəliklərə səbəb ola bilərlər. Buna görə valideynlər uşaqlara dəfələrlə yan təsirləri çox olan kimyəvi qurd-parazit əleyhinə preparatlar verməyə məcbur olurlar. Bu səbəbdən belə halların qarşısını almaq üçün məktəbdə şagirdlərlə qurd əleyhinə söhbətlər aparılır. Məktəbin həkimi Fəridə xanım qurda yoluxmanın əsas əlamətləri və ona qarşı profilaktik tədbirlər haqqında şagirdlərə məlumat verir.
