Məktəbdə "Zəfər tarixi" adlı konfrans keçirildi
Oktyabrın 28-i 2022-ci il tarixində Bakı şəhəri Suraxanı rayonu 318 nömrəli tam orta məktəbdə “Zəfər tarixi” adlı konfrans keçirilmişdir. Konfransı məktəbin tarix müəllimi Sevda Kərimova və onun dərs dediyi 9-cu sinif şagirdləri təşkil etmişlər.
Konfransda “Zəfər tarixi” fənninin tədris olunmasının əhəmiyyətindən, bu fənnin şagirdlərin milli-mənəvi dəyərlərə malik vətənpərvər ruhda yetişməsinə yardımçı olmasından danışılmışdır. Bu fənnin tədrisində istifadə olunacaq əyani vəsaitlərin tətbiqi canlı şəkildə şagirdlər tərəfindən təqdim olunmuşdur.
Zəfər tarixinin hər bölümü ayrı-ayrılıqda izah olunmuş və təqdimatlar konfrans iştirakçılarına nümayiş etdirilmişdir.
Konfransda yekun sözlə məktəbin direktoru Əliqismət Səfərov çıxış etmişdir.
