Xocalı faciəsi ilə əlaqədar "Dəyirmi masa" keçirildi
Azərbaycan tarixinə ən dəhşətli və faciəli səhifələrdən biri kimi daxil olan Xocalı soyqırımı təkcə xalqımıza yox, bütün bəşəriyyətə qarşı törədilən ən qəddar cinayətlər siyahısında yer alır. Bu faciə həm də əsrlər boyu ermənilərin xalqımıza qarşı törətdikləri soyqırımlaArın daha bir dəhşətli təzahürüdür.
Hər il olduğu kimi bu il də təhsil ocaqlarında Xocalı soyqırımı müəllim və şagirdlər tərəfindən dərin hüzn və kədərlə yad edilir. 318 nömrəli tam orta məktəbdə Xocalı faciəsinə həsr olunmuş tədbir keçirildi. Şagirdlər Xocalıda baş verən soyqırım haqqında tarixi həqiqətlərdən, aqressiv və cinayətkar erməni siyasətindən danışdılar. Onlar hazırladıqları ədəbi-bədii kompozisiyaları nümayiş etdirdilər, vətənə, Xocalı faciəsinə həsr olunmuş şeirlər söylədilər.
