"Ailəm və məktəbim" layihəsi çərçivəsində dəyirmi masa
13.05.2025 tarixində "Ailəm və məktəbim" layihəsi çərçivəsində 6-ci sinif valideynləri ilə dəyirmi masa keçirilmişdir. Seminarda məktəbin psixoloqu Xəyalə Musayeva uşaqlarla necə dialoq qurmalı, uşaqların davranışlarını və duyğularını açıq şəkildə ifadə etmələrini necə təmin etmək olar, dəstəyə ehtiyacı olan uşaqlarla işin təşkili, yeniyetməlik dövründə yaş xüsusiyyətləri haqqında geniş məlumat vermişdir. Seminar debat formatında keçirildiyi üçün valideynlərlə müzakirələr, onları narahat edən suallar barədə fikir mübadiləsi aparilmişdır. Dəyirmi masada uşaq birliyi rəhbəri Pərvin Nəzərli, tərbiyə işi üzrə təşkilatçı Ülkər Cəlilova, sinif rəhbəri Xəyalə Abbasova iştirak edirdi.
