309 №-li tam orta məktəb

 11.06.2025 tarixində 2024 - 2025-ci tədris ilinin başa çatması ilə əlaqədar şagirdlərin biliklərinin qiymətləndirmək məqsədi ilə keçirilən böyük summativ qiymətləndirmələr başa çatdı.
Böyük summativ qiymətləndirmələr həm elektron, həm də yazılı qaydada aparıldı.

 Məktəbin tarix müəllimi Giləi Süleymanova məktəbin akt zalında 28 May Müstəqillik Günü və Konstitusiya və Suverenlik ilinə həsr olunan tədbir keçirdi.Tədbirdə fənn müəllimləri və məktəb rəhbərliyi də iştirak etdi.

 28 May - Müstəqillik Günü və Konstitusiya və Suverenlik ilinə həsr olunan məktəblərarası dostluq yarışı keçirildi. Yarış iki komandanın bərabərə hesabı ilə tamamlandı. Sonda məktəb direktoru Ramiz Osmanov hər bir şagirdə sertifikalarını təqdim etdi. 

 Məktəbin tarix müəllimi Xəyalə Yusubzadə 8 "B" sinfində 28 May - Müstəqillik Günü və Konstitusiya və Suverenlik ilinə həsr olunan xüsusi dərs keçirdi. Xüsusi dərsdə fənn müəllimləri və məktəb rəhbərliyi iştirak etdi.

Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrində 28 May-Müstəqillik Günü ilə bağlı tədbirlər keçirilib.

Dövlət himninin səsləndirilməsi ilə başlayan tədbirlərdə şərqdə ilk demokratik respublika olan Azərbaycan Xalq Cümhuriyyətinin yaranma tarixi, keçdiyi inkişaf yolu, cümhuriyyətin mövcud olduğu qısa müddətdə xalqımızın mədəni inkişafına, elm, təhsil sahəsinin tərəqqisinə verdiyi töhfələr barədə şagirdlərə geniş məlumat verilib. 

 Həmçinin ölkəmizin müstəqilliyi bərpa olunduqdan sonra qazanılmış uğurlardan, dövlət quruculuğu sahəsində ümummilli lider Heydər Əliyevin əvəzsiz xidmətlərindən bəhs edilib. Ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirildiyi nəzərə çatdırılıb.

Şagirdlər müstəqilliyə, vətənpərvərliyə həsr olunmuş şeirlər söyləyib, mahnılar oxuyub, ədəbi-bədii kompozisiyalar nümayiş etdiriblər.