Azərbaycan bayrağı
08.11.2019 -cu il tarixdə məktəbin AKT zalında " 9 Noyabr Dövlət Bayrağı Günü " və "musiqi , texnologiya , təsviri incəsənət " fənləri aylığı çərçivəsində hesabat tədbiri keçirilmişdir. Tədbirə dövlət himninin səsləndirilməsilə başlanıldı. Daha sonra məktəbin xor kollektivinin ifasında bəstəkar Nailə Mirməmmədlinin " Azərbaycan bayrağı " kompozisiyası səsləndi. Daha sonra şagirdlərin ifasında Bəxtiyar Vahabzadənin " Bayraq " şeiri söylənildi. Xor kollektivinin ifa etdiyi " İnşallah " mahnısı tədbirə xüsusi rəng qatdı. Tədbirə Rəssamlar İttifaqının üzvü Pərinisə Əsgərova dəvət olunmuşdur. Pərinisə xanımın çıxışı və rəsm əsərləri tədbir iştirakçılarının böyük marağına səbəb oldu. P.Əsgərova çıxışında müəllim və şagird kollektivini “Bayraq Günü”münasibətilə təbrik etdi, təsviri incəsənətin sirlərindən danışaraq rəsmə marağı olan şagirdlərə bu yolda uğurlar arzuladı. Tədbirin sonunda məktəbin direktoru Rübabə Abdullayeva çıxış edərək tədbiri ərsəyə gətirən musiqi müəllimi Vüsalə Şükürlü , texnologiya müəllimi Əzizə Məmiyevaya və şagirdlərə öz minnətdarlığını bildirdi.
