Gəlin,dünyanı birikdə səyahət edək
Məktəbimizdə bir -birindən maraqlı tədbirlər yer almaqda davam edir. Bu gün coğrafiya müəllimi Səadət Həsənovanın təşkilatçılığı ilə “Coğrafiya gecəsi” keçirilib.Tədbirdə məktəbin müəllimləri, valideynləri, şagirdləri iştirak edirdi. Gecəni maraqlı edən bir-birindən maraqlı musiqi nömrələri oldu. "Dünyanı səyahət edən şagirdlər” hər ölkəyə məxsus rəqslə öz çıxışlarını təqdim etdilər. Onlar ifaları ilə ən gözəl ölkənin Odlar yurdu Azərbaycan olduğunu nümayiş etdirdilər. Sonra məktəbin direktoru Rübabə Abdullayeva öz çıxışında coğrafiya gecəsinin təşkilinin şagirdlərin bu fənnə marağının artmasına və onu daha yaxşı mənimsəmələrinə təkan verəcəyini söylədi. Sonda şagirdlərin ifasında ədəbi-bədii kompozisiya nümayiş etdirildi.
