Məktəbimizin şagirdləri Şəhidlər Xiyabanında olmuşlar
Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən artıq iyirmi doqquz il keçir. Hər il olduğu kim bu il də məktəbimizin şagirdləri and yerimiz olan Şəhidlər Xiyabanında olmuş,şəhidlərimizin məzarına qərənfil dəstələri qoyaraq yad etmişlər. Şəgirdlərimiz şəhid məzarı önündə şeir söyləmişlər.Yaşlarının az olmasına baxmayaraq, Şəhidlər xiyabanı haqqında zəngin təəssürata malik olan bu balacalar sabahın yetkin gəncləri təsiri bağışlayırlar. Onlar yaxşı bilirlər ki,1990-cı ilin yanvar qırğını nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi. Həmin müdhiş gecədə həlak olan vətən oğulları Azərbaycanın tarixinə parlaq səhifə yazdılar, xalqın milli azadlığı, müstəqilliyi üçün yol açdılar. Bu gün müstəqil Azərbaycan dövlətinin tartixinə qanlı 20 yanvar faciəsi xalqımızın şərəf və qəhrəmanlıq səhifəsi kimi yazılmışdır.
