Məktəbimizdə Azərbaycan Dövlət Bayrağı Günü qeyd edilib
Məktəbimizdə 9 noyabr – Dövlət Bayrağı Günü münasibətilə tədbir keçirilib. Tədbirdə məktəbin pedaqoji və şagird kollektivi iştirak edib.Tədbirin əvvəlində məktəbin pedaqoji kollektivi şagirdlərin əl işlərindən təşkil olunmuş sərgi ilə tanış olublar.Məktəbin direktoru Rübabə Abdullayeva giriş sözü ilə çıxış edərək bildirib ki, üçrəngli bayrağın dövlət rəmzi kimi bərpası təşəbbüsünü ilk dəfə Heydər Əliyev tərəfindən irəli sürüb. Heydər Əliyevin siyasi kursunun davamçısı prezident İlham Əliyevin Azərbaycanda Dövlət Bayrağı Gününün təsis edilməsi barədə sərəncamı gənc nəslin vətənpərvərlik ruhunda tərbiyəsi baxımından mühüm əhəmiyyət kəsb edir.Daha sonra tədbir bədii hissə ilə davam edib. Məktəbin şagirdləri vətənpərvərlik ruhunda şeirlər söyləyib, mahnılar oxuyublar. Bayraq Gününə həsr olunmuş şeir müsabiqəsində yer tutan şagirdlər mükafatlandirilıb.
