Zəfərimiz əbədidir!
Şanlı Zəfər tariximizin 4-cü ildönümü və 9 Noyabr Bayraq Günü məktəbimizdə qeyd olundu. Bu münasibətilə məktəbin uşaqlarla sinifdənxaric və məktəbdənkənar tərbiyə işi üzrə təşkilatçısı Seyidbalayeva Şəhla və musiqi müəllimi İsgəndərova Vüsalənin təşkilatçılığı ilə "Zəfərimiz əbədidir" adlı tədbir keçirildi. Tədbir Azərbaycan Respublikasının Dövlət Himni və Vətən müharibəsində qəhrəmancasına həlak olmuş şəhidlərin əziz xatirəsinin yad edilməsi ilə baş tutdu.Daha sonra Zəfər Gününə həsr olunmuş ədəbi-bədii kompazisiya şagirdlərin bir-birindən maraqlı çıxışları,vətənpərvərlik ruhunda təşkil olunmuş musiqi nömrələri, şeirlər və məktəbin xor kollektivinin iştirakı ilə davam etmiş, Zəfər Gününə həsr olunmuş bu tədbir "Qarabağ Azərbaycandır!"fləşmobu ilə yekunlaşmışdır.
Tədbirin sonunda məktəbin direktoru Mehriban Poladova 44 günlük Vətən müharibəsinin başlanmasından, əldə olunan zəfərdə Ali Baş Komandan və onun "Dəmir Yumruq" əməliyyatını həyata keçirən müzəffər ordumuzun rolundan söhbət açmış, tədbirin ərsəyə gəlməyində rolu olan hər bir kəsə, tədbir iştirakçılarına öz təşəkkürünü bildirmiş, belə tədbirlərin yetişməkdə olan gənc nəslin tərbiyəsində özünəməxsus yer tutduğunu qeyd etmişdir.
