I və IIQarabağ müharibəsi iştirakçısı İlham Tumasla görüş
Elm və Təhsil Nazirliyinin müvafiq əmrinə əsasən 05.11.24-cü il tarixində məktəbimizdə VIII və IX sinif şagirdlərinin I və II Qarabağ müharibəsi iştirakçısı veteran zabit İlham Tumasla görüşü baş tutdu. Əvvəlcə görüş iştirakçıları Vətən müharibəsi zamanı qəhrəmancasına həlak olmuş şəhidlərimizi 1 dəqiqəlik sükutla yad etdilər, daha sonra məktəbin direktoru Mehriban Poladova Vətən müharibəsi iştirakçısı, veteran zabit, döyüşçü jurnalist İlham Tuması şagirdlərə təqdim etmiş,dəvəti qəbul edib gəldiyi üçün ona öz minnətdarlığını bildirmişdir. Məktəblilərlə səmimi ünsiyyət qurmuş Vətən müharibəsi iştirakçısı İlham Tumas "Dəmir Yumruq əməliyyatının başlanmasından", "Xalqın iradə birliyinin döyüşçüləri necə ruhlandırdığından", "Əsl vətənpərvər kimdir?"kimi şagirdlərin verdiyi suallara aydınlıq gətirmişdir. Döyüşçü ilə görüş məktəb kollektivinin böyük marağına səbəb olmuş, sonda xatirə şəkli çəkilmişdir.
