Reproduktiv sağlamlığa dair maarifləndirici görüş
Məktəbin IX sinif şagirdlərinin valideynləri ilə görüş keçirildi. Görüşdə məktəbin uşaqlarla sinifdənxaric və məktəbdənkənar tərbiyə işi üzrə təşkilatçısı Seyidbalayeva Şəhla, psixoloq Qarayeva Vüsalə, UBTR Muxtarova Sevinc valideynlərə Təhsil İnstitutu tərəfindən hazırlanan "Ümumi təhsil müəssisələrinin VIII-IX siniflərində reproduktiv sağlamlıq mövzusunda məşğələlər üzrə metodik vəsait" haqqında məlumat verdi. Görüşdə həmçinin il ərzində şagirdlərə keçiriləcək məşğələlərin mövzuları açıqlandı.Valideynlərin nəzərinə çatdırıldı ki, "Təhlükəsiz informasiya axtarışı", "Gəncliyin ilk baharı", "Reproduktiv sağlamlıq nədir", "Yeniyetmələrin sirrləri ", "Qohumlararası nikahların fəsadları" adlı məşğələlərin keçirilməsində məqsəd şagirdlərin bu sahədə məlumatlılığının artırılmasından ibarətdir. Görüşün sonunda valideynlərə yeniyetmə övladlarına qarşı daha çox vaxt ayırmaları,övladlarının dost seçimi zamanı onlara düzgün istiqamət vermələri tövsiyə olundu.
