Şəhidimizi qürurla anırıq!
Bu gün II Qarabağ müharibəsi şəhidi Teymur Zeynalovun şəhidlik zirvəsinə ucalmasının 4-cü ildönümüdür. Bu münasibətilə əvvəlcə 30 nömrəli məktəb kollektivi və şagirdləri Teymur Zeynalovun adına tikilmiş bulağın ətrafında toplaşaraq 1 dəqiqəlik sükutla şəhidimizin xatirəsini yad etmişlər. Məktəbin direktoru Mehriban Poladova 44 günlük Vətən müharibəsindən, "Dəmir yumruq" əməliyyatından danışmış, tarix yazan qəhrəmanlarımızın vətənpərvər ruhda yetişməsində məktəbin rolunun danılmaz olduğunu qeyd etmişdir. Şəhid Teymur Zeynalovun ilk müəllimi Mətanət Musayeva öz çıxışında şagirdinin vətənpərvərliyindən, igidliyindən söz açmış bir müəllim kimi qürur hissi yaşasa da,Teymuru vaxtsiz itirdiyindən kədərləndiyini bildirmişdir. Sonda Şəhidlik zirvəsinə yüksələn Teymur Zeynalovun vaxtilə təhsil aldığı sinifdə indi təhsil alan 2B sinif şagirdlərinin hazırladığı ədəbi kompazisiya tədbir iştirakçılarını bir anlıq həmin ağrılı, acılı 44 günlük Vətən müharibəsi günlərinə aparmışdır.
Şəhid Teymur Zeynalovun məzarı ziyarət edilmiş, təhsil aldığı məktəbin adından əkil və qərənfil dəstələri qoyulmuşdur.
