Buraxılış gecəsi
04.06.2024 - cü il tarixində məktəbimizin 4c sinif rəhbəri S.Novruzovanın təşkilatçılığı ilə R.Behbudov adına Dövlət Mahnı Teatrının səhnəsində buraxılış gecəsi keçirildi. Tədbirin proqramı zəngin nömrələrlə qurulmuşdur : 44 günlük Vətən Müharıbəsi, Zəfər Gününə həsr olunmuş milli ruhlu şeirlər, mahnılar , rəqslər , dünya ədəbiyyatı incisi sayılan N.Gəncəvinin " Yeddi gözəl" poemasından, U. Şeksprin " Romeo və Cülyetta" əsərindən parçalar şagirdlərin ifasında ustalıqla təqdim edildi. Nömrələr iştirakçılar tərəfindən fəxr və maraqla qarşılandı. Şagirdlər müəllim və valideynləri qarşısında rəngarəng çıxışları ilə bir daha özlərinin bacarıqlı və istedadlı olduqlarını göstərdilər. Sevimli müəllimləri S.Novruzovadan ayrılmaq nə qədər çətin olsa da təhsilin yeni pilləsinə qədəm qoymaq onlara sevinc bəxş edirdi.
Tədbirdə çıxış edən məktəbin direktoru M. Poladova şagirdləri və Solmaz müəlliməni ürəkdən təbrik etdi, uğurlar arzuladı. Onlara bilik və bacarıq öyrətmiş müəllimlərə minnətdarlığını bildirdi. Sonda şagirdlər təlim - tərbiyədə göstərdikləri nailiyyətlərinə görə diplomlarla təltif olundular və xatirə şəkli çəkildi.
