“Tarix yazan əbədiyaşar lider” mövzusunda dəyirmi masa
06.05.24 tarixdə mktəbdə Ümummilli Lider Heydər Əliyevin anadan olmasının 101 illiyi ilə əlaqədar “Tarix yazan əbədiyaşar lider” mövzusunda dəyirmi masa keçirildi.
Dəyirmi masa Azərbaycan Respublikasının Dövlət Himninin səsləndirilməsi ilə başladı. Tədbirdə çıxış edən məktəbin hərbi rəhbəri Bəxtiyar İsgəndərov bildirdi ki, Müasir Azərbaycan dövlətinin memarı və qurucusu, böyük siyasətçi Heydər Əliyev Azərbaycan xalqının XX əsrdə yetirdiyi nadir dahi şəxsiyyət, tariximizin canlı əfsanəsidir.
Daha sonra məktəbin direktoru Mehriban Poladova çıxış edərək Ulu Öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışdı.
Sonda şagirdlər hazırladıqları təqdimatları təqdim edib, H.Əliyevin dəyərli kəlamlarından sitatlar gətirdilər.
