Qazimizlə virtual görüş
13.01.2021-ci il tarixində məktəbin psixoloqu Qarayeva Vüsalə 9-cu sinif şagirdlərinin II Qarabağ müharibəsi iştirakçısı qazi Elnur Abbasov ilə teams platforması üzərindən görüşünü keçirdi. Görüşdə qazi 44 günlük müharibədə keçdiyi şərəfli döyüş yolundan bəhs etdi, şagirdlərin suallarını cavablandırdı, belə görüşlərə şagirdlərin can atmasından təsirləndiyini bildirdi. Şagirdlər görüşdən aldıqları xoş təəssüratlarını bölüşdülər. Abbasov Elnur Ramiz oğlu 11.09.1995-ci ildə Bakıda doğulub. Əslən Laçınlıdır. 9 oktyabrda könüllü olaraq müharibəyə gedib və Füzuli, Cəbrayıl, Xocavənd uğrunda gedən döyüşlərdə iştirak edərək 5 noyabrda ayağından güllə yarası, başından, qabırğasından və biləyindən 20-dən çox qəlpə yarası alaraq hospitala yerləşdirilmişdir.
